Բրիտանական հիվանդանոցների հիվանդները մեռնում են սովից
09-04-2009 17:40:00 | | Միջազգային
ԼՈՆԴՈՆ, 9 ԱՊՐԻԼԻ, ՆՈՅՅԱՆ ՏԱՊԱՆ: 2007 թվականին Մեծ
Բրիտանիայի պետական հիվանդանոցներում թերսնումից մահացել են վերջին
տասնամյակում ռեկորդային թվով հիվանդներ` 242 մարդ, հաղորդում է
Medportal.Ru-ն: 1997 թվականին նման մահերը եղել են 209-ը:
Ընդամենը 1997 թվականից մինչեւ 2007 թվականը սովից վախճանվել է
2311 հիվանդ:
Բրիտանական հիվանդանոցներում ավելի հաճախ թերսնման զոհ են
դառնում տարեցները: Ուտելիքը հիվանդանոցներում այնքան անհամ է, որ
հիվանդները հրաժարվում են նրանից. ամեն տարի 11 մլն. բաժին ուտելիք
է մնում ձեռք չտված: Այդուամենայնիվ, բարդ է պատկերացնել մի
իրավիճակ, երբ սովից մահացող մարդը հրաժարվի անհամ սննդից:
Շատ ավելի ճշմարտանման է թվում մեկ այլ պատճառ. հաճախ
ուտելիքով սպասքը դնում են սահմանափակ հնարավորություններով տարեց
հիվանդներից հեռու: Ընդ որում բուժքույրերը եւ հիվանդապահները
հայտարարում են, որ իրենք չափազանց զբաղված են, որպեսզի կերակրեն
հիվանդներին: