Մուրմանսկում բացվել է Հայաստանին նվիրված ցուցահանդես
17-02-2010 13:23:00 | Ռուսաստան | Մշակույթ
ՄՈՒՐՄԱՆՍԿ, 17 ՓԵՏՐՎԱՐԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ:
Մուրմանսկի Սերգեյ Կիրովի անվան մարզային մշակույթի պալատում
բացվել է Ռոման Պակինյանի Հայաստանին նվիրված լուսանկարչական
ցուցահանդեսը, հաղորդում է «Մուրման» պետական
հեռուստառադիոընկերությունը: Ցուցահանդեսը Հայաստանը ներկայացնում
է որպես թանգարան բաց երկնքի տակ:
Ռոման Պակինյանը ծնվել է Երեւանում: 1980-ական թվականներին
նա հայտնվեց հեռավոր Հյուսիսում, ծով դուրս եկել, ճանապարհորդել
աշխարհով մեկ: Առաջին լուսանկարչական սարքը գնել է 1985 թվականին,
երբ ծանոթացել է «Մուրմանսկ» լուսանկարչական ստուդիայի անդամների
հետ: Անսովոր կադրերի իսկական որսը սկսվել է 4 տարի առաջ: Այդ
ժամանակից հրապուրանքը դարձավ կենսակերպ: Իր առաջին ցուցահանդեսի
համար Ռոման Պակինյանը նյութեր է հավաքել ավելի քան երկու տարի,-
հաղորդում է PanARMENIAN.Net-ը: