Վերջին մեկ շաբաթվա ընթացքում` մարտի 27-ից ապրիլի 2-ը, ադրբեջանական կողմը
200 անգամ խախտել է հրադադարի ռեժիմը: Արձակվել է ավելի քան 1500 կրակոց:
Առավել ինտենսիվ կրակահերթ է իրականացվել մարտի 31-ին` երբ թիրախ էին ընտրվել ղարաբաղա-ադրբեջանական սահմանի գրեթե բոլոր ուղղություններում տեղակայված հայկական դիրքերը:
Այս մասին տեղեկացնում է Արցախի պաշտպանության բանակի լրատվության եւ քարոզչության բաժինը, ըստ որի, հայկական առաջապահ ստորաբաժանումները վստահորեն իրականացրել են իրենց առաջեւ դրված մարտական խնդիրները եւ ապահովել առաջնային գծի պահպանությունը: