azatutyun.am BRICS անդամ երկրների պետությունների և կառավարությունների ղեկավարներն ընդունել են կազմակերպության 18-րդ գագաթնաժողովի Դելիի հռչակագիրը, հայտարարել է Հնդկաստանի վարչապետը:
«Անդամներից ոչ մեկը առարկություն չի արտահայտել: 2026 թվականի Դելիի հռչակագիրն ընդունվեց միաձայն», - ասել է Նարենդրա Մոդին:
«Այսօրվա հանդիպումն անցավ բացառիկ բովանդակալից և կառուցողական: Մեր մոտեցումների տարբերության հետ միասին հստակ արտահայտվեց մեր ընդհանուր նվիրվածությունը BRICS շրջանակում համագործակցությանը», - ТАСС-ի փոխանցմամբ՝ ընդգծել է հանդիպումը հյուրընկալող Հնդկաստանի վարչապետը:
BRICS-ին անդամակցում են Բրազիլիան, Ռուսաստանը, Հնդկաստանը, Չինաստանը, Հարավաֆրիկյան Հանրապետությունը, Եգիպտոսը, Եթովպիան, Իրանը, Սաուդյան Արաբիան, Արաբական Միացյալ Էմիրությունները և Ինդոնեզիան:
ՀԱՅԵՐԵՆ
