ՍԵՈՒԼ, 16 ՀՈՒԼԻՍԻ, ՆՈՅՅԱՆ ՏԱՊԱՆ: Հարավկորեական «Սամսունգ» ընկերության նախկին գլխավոր տնօրեն Լի Գոն Խին մեղավոր է ճանաչվել հարկերի վճարումից խուսափելու մեջ եւ դատապարտվել երեք տարվա պայմանական բանտարկության: Դրանից բացի, Սեուլի օկրուգային դատարանը 66-ամյա Լի Գոն Խիին նշանակել է տուգանք 109 միլիոն դոլարի չափով: Այս մասին հաղորդում է BBC-ն: Մեղադրող կողմը պահանջում էր ավելի դաժան պատիժ` յոթ տարվա բանտարկություն եւ 347 մլն. դոլարի տուգանք: Լի Գոն Խին «Սամսունգը» գլխավորել է 20 տարի շարունակ եւ իր պաշտոնը թողել է 2008 թվականի ապրիլին: Նա Հարավային Կորեայի ամենահարուստ մարդկանցից մեկն է:

---