ՖՐԱՆՍԻԱՅՈՒՄ ԲԱՍՏԻԼԻ ԳՐԱՎՄԱՆ ՕՐՎԱ ՆԱԽՕՐԵԻՆ ՀՐԿԻԶՎԵԼ Է 300
ՄԵՔԵՆԱ
14-07-2008 15:16:00 | Ֆրանսիա | Միջազգային
ՓԱՐԻԶ, 14 ՀՈՒԼԻՍԻ, ՆՈՅՅԱՆ ՏԱՊԱՆ: Ֆրանսիայում Բաստիլի
գրավման օրվա ազգային տոնի նախօրյակին հրկիզվել է 297 ավտոմեքենա,
հաղորդում է «Ֆրանսպրեսը»:
Հուլիսի 13-ի լույս 14-ի գիշերը մեքենաների մեծ մասը` 297-ից
211-ը, ոչնչացվել են Ֆրանսիայի կենտրոնական մասի հյուսիսում`
Իլ-դե-Ֆրանսի շրջանում: Ձերբակալվել է 121 մարդ, որոնցից 102-ը`
հենց այդ նույն շրջանում:
Բաստիլի գրավման օրվա նախօրեին, որն ավանդաբար Ֆրանսիայում
նշվում է հուլիսի 14-ին, ողջ երկրում անցկացվում են հանդիսավոր
միջոցառումներ երիտասարդների մասնակցությամբ: Վերջին տարիներին
ազգային հանդիսությունները ուղեկցվում են զանգվածային
անկարգություններով, հրկիզումներով եւ ձերբակալություններով: Անցած
տարի հուլիսի 13-ի լույս 14-ի գիշերը Ֆրանսիայում հրկիզվել էր 266
ավտոմեքենա եւ ձերբակալվել 100 մարդ: