2008Թ.-Ի ԱՌԱՋԻՆ ԵՌԱՄՍՅԱԿՈՒՄ ՆԱԽՈՐԴ ՏԱՐՎԱ ՆՈՒՅՆ
ԺԱՄԱՆԱԿԱՀԱՏՎԱԾԻ ՀԱՄԵՄԱՏ ԼԻՑԵՆԶԱՎՈՐՎԱԾ ԻՐԱՎԱԲԱՆԱԿԱՆ ԱՆՁԱՆՑ
ՄԻՋՈՑՈՎ ՀԱՅԱՍՏԱՆԻ ՖԻԶԻԶԿԱԿԱՆ ԱՆՁԱՆՑ ՈՒՂՂՎԱԾ ՓՈԽԱՆՑՈՒՄՆԵՐԻ ԾԱՎԱԼԸ
18%-ՈՎ ԱՃԵԼ Է
2008Թ.-Ի ԱՌԱՋԻՆ ԵՌԱՄՍՅԱԿՈՒՄ ՆԱԽՈՐԴ ՏԱՐՎԱ ՆՈՒՅՆ
ԺԱՄԱՆԱԿԱՀԱՏՎԱԾԻ ՀԱՄԵՄԱՏ ԼԻՑԵՆԶԱՎՈՐՎԱԾ ԻՐԱՎԱԲԱՆԱԿԱՆ ԱՆՁԱՆՑ
ՄԻՋՈՑՈՎ ՀԱՅԱՍՏԱՆԻ ՖԻԶԻԶԿԱԿԱՆ ԱՆՁԱՆՑ ՈՒՂՂՎԱԾ ՓՈԽԱՆՑՈՒՄՆԵՐԻ ԾԱՎԱԼԸ
18%-ՈՎ ԱՃԵԼ Է
19-05-2008 20:22:00 | Հայաստան | Տնտեսություն
ԵՐԵՎԱՆ, 19 ՄԱՅԻՍԻ, ՆՈՅՅԱՆ ՏԱՊԱՆ: Հայաստանում ֆիզիկական
անձանց` առանց բանկային հաշվի բացման, փոխանցումներն իրականացվում
ենՆ ՀՀ տարածքում գործող առեւտրային բանկերի եւ ՀՀ Կենտրոնական
բանկի կողմից լիցենզավորված դրամական փոխանցում իրականացնող
կազմակերպությունների միջոցով: ՀՀ տարածքում գործող առեւտրային
բանկերը հաճախորդների դրամական փոխանցումները արագ իրականացնելու
նպատակով անդամակցում ենՆ ընդհանուր առմամբ 18 միջազգային
համակարգերի (WESTERN UNION, MONEY GRAM, ANELIK, UNISTREAM,
CONTACT եւ այլ համակարգերի):
ՀՀ Կենտրոնական բանկի մամուլի ծառայության տվյալներով,
2008թ.-ի առաջին եռամսյակում այս համակարգերին մասնակից բանկերի
միջոցով Հայաստան փոխանցումների ծավալը կազմել է 70 մլրդ 659 մլն
ՀՀ դրամ կամ մոտ 229,4 մլն ԱՄՆ դոլար (քանակը` 309 218), որը 8,5
անգամ գերազանցել է արտասահման կատարված փոխանցումների ծավալը.
արդյունքում, դրամական միջոցների զուտ ներհոսքը առեւտրային բանկերի
միջոցով կազմել է 62 մլրդ 353 մլն դրամ: Հայաստան փոխանցումների
զուտ ներհոսքը 2007թ.-ի առաջին եռամսյակի համեմատ ավելացել է 1,2
անգամ (9 մլրդ 166 մլն դրամով): Այս համակարգերով ՀՀ կատարված մեկ
փոխանցման միջին ծավալը կազմել է 229 հազ. դրամ. եւ 2007թ.-ի
առաջին եռամսյակի համեմատ ավելացել 11 հազ. դրամով:
Այս տարվա առաջին եռամսյակում միջազգային վճարային
համակարգերի անդամակցող եւ դրամական փոխանցում իրականացնող
կազմակերպությունները ՀՀ իրենց հաճախորդներին կատարել են 3,6 մլրդ
դրամի վճարում, այդ թվում` 0,6 մլրդ դրամի վճարումը կատարվել է
միջազգային դրամական փոխանցումների իրականացման համակարգերին
անդամակցելու միջոցով, իսկ արտասահման կատարվել է 0,07 մլրդ դրամի
փոխանցում: Ընդ որում, դրամական փոխանցումների իրականացման
համակարգերով հաճախորդներին կատարված մեկ վճարման միջին ծավալը
կազմում է 88 հազ. դրամ, որը նախորդ տարվա համեմատ գրեթե պահպանել
է նույն մակարդակը:
2008թ.-ի առաջին երեք ամիսներին SWIFT համակարգի միջոցով
իրականացված փոխանցումներում ֆիզիկական անձանց ուղղված վճարումները
կազմել են մոտ 42 մլրդ դրամ, որը նախորդ տարվա նույն
ժամանակահատվածի համեմատ ավելացել է 6 մլրդ դրամով. մեկ վճարման
ծավալն ավելացել է 637 հազ. դրամով եւ կազմել 2,38 մլն դրամ:
Ընդհանուր առմամբ, առեւտրային բանկերի եւ դրամական փոխանցում
իրականացնող կազմակերպությունների միջոցով Հայաստան ֆիզիկական
անձանց ուղղված դրամական փոխանցումները 2007թ.-ի առաջին եռամսյակի
համեմատ ավելացել են 18%-ով եւ կազմել 116 մլրդ դրամ, իսկ
արտասահման կատարված փոխանցումների ծավալը` 14%-ով, եւ կազմել 76
մլրդ դրամ: