ՂՐՂԶՍՏԱՆՈՒՄ ԳՏՆՎԵԼ Է ԱՅՍ ՏԱՐՎԱ ՀՈՒԼԻՍԻՆ ԱՆՀԵՏ ԿՈՐԱԾ
ՖՐԱՆՍԻԱՑԻ ՔԱՂԱՔԱՑՈՒ ՄԱՐՄԻՆԸ
19-11-2007 18:59:00 | Ղրղզստան | Միջազգային
ԲԻՇՔԵԿ, 19 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Ղրղզստանի Չույսկի
մարզում գտնվել է Ֆրանսիայի քաղաքացի Գելլերմ Ժերարի մարմինը, որն
անհետ կորել էր այս տարվա հուլիսին, հաղորդում է ԻՏԱՌ-ՏԱՍՍ-ը:
Ինչպես հայտնել են Ղրղզստանի ՆԳՆ մամլո ծառայությունում,
զոհվածի մարմինը հայտնաբերվել է Կոլ-Տոր լեռնային գետի հոսանքով մի
քանի կիլոմետր ներքեւ, որտեղ նա ընկել էր ձին հեծած այն անցնելու
ժամանակ: Այդ օրը 58-ամյա ֆրանսիացին, որը գլխավորում էր Ղրղզստանի
տարածքում գրանցված «Ռանդոնե Սելեստ» տուրիստական ֆիրման,
ուղեկցում էր արտասահմանյան տուրիստների խմբին:
Վերջին տարիներին Ժերարը ապրում էր Ղրղզստանի Չույսկի մարզի
Ռոտ-Ֆրոնտ գյուղում եւ զբաղվում էր արտասահմանյան տուրիստների
համար էքստրեմալ զբոսարշավների կազմակերպմամբ: