ԲԱՂԴԱԴ, 1 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Մեծ Բրիտանիայի պաշտպանության նախարար Դես Բրաունը հանդիպելու է Հյուսիսային Իրաքի քրդական վարչակազմի նախագահ Մեսուդ Բարզանիի հետ: Ինչպես հաղորդում է թուրքական մամուլը, սպասվում է, որ հանդիպման ընթացքում կողմերը կքննարկեն Թուրքիայի անդրսահմանային ռազմական գործողությունների հետ կապված հարցեր: Նշվում է նաեւ, որ Դես Բրաունը հոկտեմբերի 31-ին հանդիպել է Իրաքի նախագահ Ջելալ Թալաբանիի եւ վարչապետ Նուրի ալ Մալիքիի հետ:

---