ԹԱԼԻԲՆԵՐԸ ԱԶԱՏ ԵՆ ԱՐՁԱԿԵԼ ՀԱՐԱՎԿՈՐԵԱՑԻ ԵՐԵՔ ՊԱՏԱՆԴՆԵՐԻ
29-08-2007 16:26:00 | Աֆղանստան | Միջազգային
ՔԱԲՈՒԼ, 29 ՕԳՈՍՏՈՍԻ, ՆՈՅՅԱՆ ՏԱՊԱՆ: Աֆղանստանում թալիբները
հարավկորեացի 19 պատանդներից երեքին հանձնել են տեղի ցեղերից մեկի
առաջնորդին: Ցեղի ավագը, իր հերթին, պետք է ազատ արձակված
պատանդներին հանձնի Կարմիր խաչի աշխատակիցներին: Այս մասին
«Թալիբանի» ներկայացուցիչները եւ անձամբ ավագը հայտնել են
«Ֆրանսպրես» գործակալության թղթակցին:
Ըստ Սեուլի ներկայացուցիչների, համաձայնությունը ձեռք է
բերվել այն պայմանով, որ հարավկորեական զորքերը, ինչպես որ
ծրագրվում էր, Աֆղանստանից կհեռանան մինչեւ այս տարվա վերջ: Այժմ
երկրում գտնվում են ոչ մարտական ստորաբաժանումների մոտ 200
հարավկորեացի զինծառայողներ: Դրանից բացի, Հարավային Կորեան
համաձայնել են դադարեցնել ողջ միսիոներական գործունեությունը
Աֆղանստանում եւ իր քաղաքացիների ուղեւորությունները այդ երկիր: