ԹԱՎՐԻԶ,, 11 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 2-6-ին Իրանում անցկացվեց «Թավրիզ-2007» վոլեյբոլի կանանց միջազգային մրցաշարը, որին մասնակցեցին 6 թիմեր: Հայաստանը ներկայացնում է Երեւանի Բժշկական պետական քոլեջի «Նժդեհ» թիմը: Մրցաշարի հաղթող դարձավ Իրանի առաջին հավաքականը (5 միավոր): 2-րդ տեղը գրավեց «Նժդեհը» (4 միավոր), 3-րդը` Պակիստանի հավաքականը (3 միավոր): Հայաստանի վոլեյբոլիստուհիներից լավագույն խաղարկող ճանաչվեց Շողիկ Բալյանը: Լիանա Գեւորգյանն արժանացավ «Բազմակողմանի խաղացող» մրցանակին: Իրանի, Պակիստանի եւ Սաուդյան Արաբիայի թիմերի համար մրցաշարը նախապատրաստական փուլ էր Թայլանդում անցկացվելիք ասիական խաղերից առաջ: Իսկ «Նժդեհը» նախապատրաստվում է օգոստոսի 18-ին Երեւանում մեկնարկելիք համահայկական 4-րդ խաղերին:

---