ՓԱՐԻԶ, 3 ՀՈՒԼԻՍԻ, ՆՈՅՅԱՆ ՏԱՊԱՆ: Փարիզի մերձակայքում հուլիսի 3-ին ձերբակալվել են բասկերի «ԷՏԱ» անջատողական խմբավորման 2 անդամներ: Այս մասին հաղորդում է ֆրանսիական ոստիկանությունը: Նշվում է նաեւ, որ հուլիսի 2-ին «ԷՏԱ» խմբավորման 3 անդամներ էլ ձերբակալվել էին Բայոն քաղաքում, որոնք բեռնատարով ուղեւորվում էին դեպի Իսպանիա: Խուզարկության ժամանակ բեռնատարից հայտնաբերվել էր 160 կգ քիմիական պայթանյութ, 2 դետոնատոր եւ 1 հրացան:

---