ՌԱՄԱԼԼԱ, 15 ՀՈՒՆԻՍԻ, ՆՈՅՅԱՆ ՏԱՊԱՆ: Պաղեստինյան ինքնավարության նախագահ Մահմուդ Աբբասը որոշում է ընդունել կառավարության լիազորությունները դադարեցնելու մասին եւ ինքնավարությունում հայտարարել է արտակարգ դրություն: Այսպես կոչված «ազգային միաբանության կառավարությունը», որը ստեղծվել էր այս տարվա մարտին եւ որի մեջ մտնում էին ՖԱԹՀ-ի եւ ՀԱՄԱՍ-ի ներկայացուցիչները, չկարողացավ կանխել այդ երկու շարժումների կողմնակիցների զինված հակամարտությունը: Հակառակ Մահմուդ Աբբասի որոշմանը, պաղեստինյան վարչապետ, ՀԱՄԱՍ-ի առաջնորդներից Իսմայիլ Հանիան հայտարարել է, որ իրենք իշխանության են եկել ընտրությունների միջոցով, հետեւաբար պաղեստինյան կառավարությունը շարունակելու է իր աշխատանքը: Վերջին 6 օրերի ընթացքում երկու խմբավորումների միջեւ տեղի ունեցող արյունալի բախումների հետեւանքով զոհվել է մոտ 100 մարդ: ՀԱՄԱՍ-ը գործնականում վերահսկողության տակ է վերցրել Գազայի ողջ հատվածը:

---