ԵՐԵՎԱՆ, 23 ՄԱՐՏԻ, ՆՈՅՅԱՆ ՏԱՊԱՆ: 2007թ.-ի հունվարին մարդասիրական օգնության կարգով Հայաստան են ներկրվել 2,05 մլն ԱՄՆ դոլար ընդհանուր արժեքով 361,4 տոննա ապրանքներ` նախորդ տարվա նույն ամսվա, համապատասխանաբար, 1 մլն 557,7 հազար դոլար եւ 155,6 տոննա ցուցանիշների դիմաց: Ըստ ՀՀ Ազգային վիճակագրական ծառայության տվյալների, ստացված օգնության 34,9%-ը կազմել են մանածագործական իրերը, 16,1%-ը` սարքերը եւ ապարատները, իսկ 15,8%-ը` տարբեր արդյունաբերական ապրանքները:

---