ԵՐԵՎԱՆ, 7 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 7-ին ՀՀ Ազգային Ժողովն 1-ին ընթերցմամբ քննարկեց «Գույքահարկի մասին» օրենքում լրացում կատարելու մասին օրինագիծը: Ըստ այդմ, առաջարկվում է գույքահարկից ազատել սոցիալական ապահովության մարմիններից արտոնյալ պայմաններով հաշմանդամների ստացած ավտոմեքենաները: Ըստ օրինագծի հեղինակների` «ՀՀԿ» խմբակցության մի խումբ պատգամավորների, ներկայումս այդ արտոնությունը տրամադրում է համայնքի ավագանին, սակայն դիմողները յուրաքանչյուր տարի պետք է ներկայացնեն համապատասխան փաստաթղթեր: Օրենքի ընդունմամբ նշված կատեգորիայի անձինք, որոնք մեծամասամբ տարեց մարդիկ են, կազատվեն լրացուցիչ թղթաբանությունից: Նշենք, որ սոցիալական մարմիններից հաշմանդամներին արտոնյալ պայմաններով փոխադրամիջոցների տրամադրման գործընթացը դադարել է 1992թ-ից:

---