ԵՐԵՎԱՆ, 24 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: ՀՀ Տնտեսական
մրցակցության պաշտպանության պետական հանձնաժողովի սեպտեմբերի 24-ի
նիստում ընդունված որոշմամբ մսամթերքի շուկայում գերիշխող համարվող
«Գեղարդ մսամթերքի կոմբինատ»-ը հանվեց գերիշխողների գրանցամատյանից:
Հանձնաժողովի ներկայացրած տվյալներով, 2008թ.-ի
գործունեության տվյալների համաձայն, մսամթերքի շուկայում գործել է
33 տնտեսվարող, որից 25-ը արտադրող, 8-ը` ներմուծող:
Տնտեսվարողների ներկայացրած տվյալների համաձայն, մսամթերքի
ներմուծման ծավալը 2008թ.-ին կազմել է 55,99 տոննա, (2004թ.-ին`
27,3 տոննա), արտադրության ծավալը` 436,16 տոննա (2004թ.-ին` 197,8
տոննա), իրացման ծավալը` 450,22 տոննա (2004թ.-ին` 213,5 տոննա),
արտահանման ծավալը` 0,36 տոննա (2004թ.-ին` 8,7 տոննա):
Նախորդ տարվա տվյալներով, շուկայում իրացման առավել մեծ բաժին
ունեին «Լինդա» (24,6%), «Արդելիկատես» (13,2%) եւ «Մուշ» (10,9%)
ընկերությունները: Շուկայում առկա չէ գերիշխող դիրք ունեցող
տնտեսվարող սուբյեկտ: Ուսումնասիրության արդյունքները կտրամադրվեն
ՀՀ Պետական եկամուտների կոմիտեին: