ՀՀ ԳԱԱ-Ի ՆԱԽԱԳԱՀՈՒԹՅՈՒՆԸ ՀԱՍՏԱՏԵԼ Է 4 ԳԻՏԱՀԵՏԱԶՈՏԱԿԱՆ
ԿԱԶՄԱԿԵՐՊՈՒԹՅՈՒՆՆԵՐԻ ՏՆՕՐԵՆՆԵՐԻ ԹԵԿՆԱԾՈՒԹՅՈՒՆՆԵՐԸ
01-11-2006 17:19:00 | Հայաստան | Հասարակություն
ԵՐԵՎԱՆ, 1 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ՀՀ Գիտությունների
ազգային ակադեմիայի նախագահության նոյեմբերի 1-ի նիստում հաստատվել
են 4 գիտահետազոտական կազմակերպությունների տնօրենների
թեկնածությունները: ՀՀ ԳԱԱ-ի Ֆիզիկական հետազոտությունների
ինստիտուտի տնօրենի պաշտոնում հաստատվել է Արամ Պապոյանը,
Ռադիոֆիզիկայի եւ էլեկտրոնիկայի ինստիտուտի տնօրենի պաշտոնում`
Արսեն Հախումյանը, Ֆիզիկայի կիրառական պրոբլեմների ինստիտուտի
տնօրենի պաշտոնում` Արտակ Մկրտչյանը, Վ.Համբարձումյանի անվ.
Բյուրականի աստղադիտարանի տնօրենի պաշտոնում` Հայկ Հարությունյանը:
Հիշեցնենք, որ կապված 65 տարին լրանալու հետ իրենց
պաշտոններից ազատվել էին ՀՀ ԳԱԱ-ի գիտահետազոտական
կազմակերպությունների 23 տնօրեն: ԻՆչպես «ՆՈՅՅԱՆ ՏԱՊԱՆ»-ին
հայտնեցին ՀՀ ԳԱԱ-ի Լրատվական ծառայությունից, մոտակա
ժամանակահատվածում ԳԱԱ-ի նախագահությունում կքննարվեն մյուս
ինստիտուտների տնօրենների թեկնածությունները: