ՄԱԼԱՅԱՆԻ ԱՆՎԱՆ ԱԿՆԱԲՈՒԺԱԿԱՆ ԿԵՆՏՐՈՆՈՒՄ ԿԲԱՑՎԻ ՎԻՐԱԲՈՒԺԱԿԱՆ
ՀՄՏՈՒԹՅՈՒՆՆԵՐԻ ԿԱՏԱՐԵԼԱԳՈՐԾՄԱՆ ԿԵՆՏՐՈՆ
12-10-2006 17:05:00 | Հայաստան | Հասարակություն
ԵՐԵՎԱՆ, 12 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Աշխարհում 124 մլն մարդ
տառապում է թույլ տեսողությամբ, ընդ որում տեսողության խնդիրների
ավելի քան 75%-ից կարելի է խուսափել հիվանդության վաղ
հայտնաբերման, կանխարգելման կամ բուժման միջոցով: Այս մասին
հայտնեց ՀՀ առողջապահության փոխնախարար Թաթուլ Հակոբյանը Երեւանի
«Քանաքեռ-Զեյթուն» հիվանդանոցում «Ցածր տեսողության բաժանմունք»-ի
բացմանը, որը տեղի ունեցավ հոկտեմբերի 12-ին: Նա նշեց, որ
Հայաստանում ապրում է թույլ տեսողություն ունեցող 48 հազար մարդ:
Թ.Հակոբյանի խոսքերով, բաժանմուքը կնպաստի ձեռքբերովի կուրության
կանխագելմանը:
Բաժանմունքը հինվել է «Հայկական ակնաբուժության նախագիծ»
(ՀԱՆ) ամերիկյան բարեգործական կազմակերպության նախաձեռնությամբ եւ
միակն է Հայաստանում եւ տարածաշրջանում: Ինչպես նշեց
կազմակերպության հայաստանյան գրասենյակի տնօրեն Նունե Եղիազարյանը,
նորաբաց բաժանմունքը հագեցած էժամանակակից սարքավորումներով, իսկ
բաժանմունքում աշխատող մասնագետները համապատասխան վերապատրաստում
են անցել:
Ն.Եղիազարյանը հայտնեց, որ Մալայանի անվան ակնաբուժական
կենտրոնում շուտով կբացվի նաեւ Վիրաբուժական հմտությունների
կատարելագործման կենտրոն: