ԲԱՔՈՒ, 1 ՀՈՒՆԻՍԻ, ՆՈՅՅԱՆ ՏԱՊԱՆ: Մայիսի 28-ին Բաքու-Թբիլիսի-Ջեյհան խողովակաշարով թուրքական Ջեյհան նավահանգիստ հասած ադրբեջանական նավթի առաջին խմբաքանակը հունիսի 3-ին կբեռնվի "Katoni" նավագնացական ընկերությանը պատկանող "The British Hawtharne" հեղուկանավը եւ կուղարկվի Իտալիա: Այս մասին հաղորդում է «Ազերթաջ» գործակալությունը: Իսկենդերունի ծովային տրանսպորտի ընկերության նախագահ Մահմուդ Զեյթունօղլուն հայտնել է, որ ադրբեջանական նավթը Ջեյհան նավահանգիստ է հասել առանց որեւիցե խնդրի եւ հունիսի 3-ին կբեռնարկվի հեղուկանավը: Նշելով, որ հեղուկանավը բեռնված 85 հազար տոննա հում նավթը կուղարկվի իտալական Սավոնա նավահանգիստ, Զեյթունօղլուն ընդգծել է, որ դրանով իսկ սկսվում է Իսկենդերունի ծոցը կարեւոր միջազգային նավթային միջանցքի վերածելու գործընթացը:

---