ԲՐՅՈՒՍԵԼ, 13 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Եվրոմիությունը Կոսովոյի ապագա կարգավիճակի մասին որոշում կընդունի 2008 թվականի գարնանը: Այս մասին, ինչպես հաղորդում է «Reuters»-ը, հայտնել է ԵՄ ընդլայնման հարցերով հանձնակատար Օլի Ռենը: Նշվում է, որ Օլի Ռենի այդ հայտարարությունը հնչել է այն բանից հետո, երբ Սերբիայում անցած չորեքշաբթի հայտարարել են նախագահական ընտրությունների օրը` հունվարի 20-ը: Դիտորդները ենթադրում են, որ Եվրոմիությունում ուզում են սպասել դրանց արդյունքներին, նախքան Կոսովոյի առնչությամբ դիրքորոշման վերջնական հստակեցումը:

---