Նախագահ Սերժ Սարգսյանն այսօր ցավակցական հեռագիր է հղել նշանավոր գրող եւ թարգմանիչ Կարպիս Սուրենյանի մահվան կապակցությամբ: Ինչպես հայտնում է ՀՀ նախագահի Մամլո գրասենյակը, Կարպիս Սուրենյանի ընտանիքի անդամներին, հարազատներին, գործընկերներին, ինչպես նաեւ նրա աշխատանքների երախտապարտ ընթերցողներին ուղղված Հանրապետության ղեկավարի ցավակցական հեռագրում ասված է. «Նրան ենք մենք պարտական համաշխարհային գրականության հսկաների` Դոստոեւսկու եւ Գոլսուորդիի կոթողային երկերը հայերեն ընթերցելու բերկրանքի համար: Ճանաչված մտավորականի մահը, ում թարգմանությունները հարստացրել են հայ թարգմանական գրականությունը, ծանր կորուստ է մեզ համար»:

---