Քննարկուել էն Արցախի հեռահաղորդակցութեան ոլորտի զարգացման հարցերը
03-03-2011 21:08:00 | Հայաստան | Քաղաքական
Արցախի Հանրապետութեան Նախագահ Բակոյ Սահակեանը մարտի 3-ին հրաւիրել է աշխատանքային խորհրդակցութիւն` նուիրուած հեռահաղորդակցութեան ոլորտի զարգացման հարցերին:
Յատուկ ուշադրութիւն է դարձուել Արցախի հանրային հեռուստատեսութեան հաղորդումների հեռարձակման տարածքի ընդլայնմանը, այդ թւում` Սփիւռքում:
Երկրի ղեկավարը նշել է, որ այդ գործընթացն ունի ռազմավարական նշանակութիւն հանրապետութեան համար, քանի որ նպաստում է եւ արտերկրում Արցախի ճանաչելութեան գործընթացին, եւ ներհայկական կապերի ամրապնդմանը:
Բակոյ Սահակեանը ողջունել է այս գործընթացին սատարելու Սփիւռքի հայրենակիցների պատրաստակամութիւնը` այն համարելով նախաձեռնութեան յաջող ընթացքի կարեւոր գրաւականներից մէկը:
Խորհրդակցութեանը մասնակցում էին փոխվարչապետ, ֆինանսների նախարար Սպարտակ Թեւոսեանը, պաշտօնատար այլ անձինք:
ԱՐՑԱԽԻ ՀԱՆՐԱՊԵՏՈՒԹԵԱՆ ՆԱԽԱԳԱՀԻ ԱՇԽԱՏԱԿԱԶՄԻ
ՏԵՂԵԿԱՏՈՒՈՒԹԵԱՆ ԳԼԽԱՒՈՐ ՎԱՐՉՈՒԹԻՒՆ