ՅԱՐՁԱԿՄԱՆ է ԵՆԹԱՐԿՈՒԵԼ ՀՀ ՖՈՒՏԲՈԼԻ ՖԵԴԵՐԱՑԻԱՅԻ ՇԷՆՔԻ ՊԱՀԱԿԸ
28-03-2008 18:00:00 | Հայաստան | Հասարակութիւն
ԵՐԵՎԱՆ, 28 ՄԱՐՏԻ, ՆՈՅԵԱՆ ՏԱՊԱՆ: Մարտի լոյս 27-ի գիշերը`
ժամը 02-ին, դիմակաւորուած 2 անյայտ անձինք մուտք են գործել ՀՀ
Ֆուտբոլի ֆեդերացիայի վարչական շէնքի պահակակետ եւ սպառնալով
դանակով պահակից` 1945թ. ծնուած Սուրէն Ս.-ից, պահանջել են
Ֆեդերացիայի նախագահի եւ հաշուապահի սենեակների բանալիները: Մերժում
ստանալուց յետոյ նրանք ծեծի են ենթարկել պահակին, կպչուն ժապաւէնով
կապել նրա ձեռքերն ու ոտքերը: Ըստ ՀՀ ոստիկանութեան պաշտօնական
հաղորդագրութեան, այնուհետեւ նրանք տեխնիկական միջոցների
գործադրմամբ բացել են հաշուապահութեան սենեակում գտնուող երկաթյա
պահարանի դուռն ու գողացել այնտեղ եղած գումարը:
Կատարւում է նախաքննություն: