ԵՐԵՎԱՆ, 12 ՄԱՐՏԻ, ՆՈՅՅԱՆ ՏԱՊԱՆ: Մարտի 12-ին ընդունելով Հայաստանում իր դիվանագիտական առաքելությունն ավարտող Վրաստանի արտակարգ եւ լիազոր դեսպան Ռեւազ Գաչեչիլաձեին, ՀՀ նախագահ Սերժ Սարգսյանը դեսպանի քառամյա գործունեությունը հայ-վրացական բարեկամական հարաբերությունների զարգացման տեսակետից գնահատել է արդյունավետ. զգալիորեն ակտիվացել է քաղաքական երկխոսությունը, ընդլայնվել է տնտեսական գործակցության շրջանակը, ամրապնդվել են մշակութային կապերը: Ըստ ՀՀ նախագահի Մամլո գրասենյակի հաղորդագրության, Ռ.Գաչեչիլաձեն ասել է, որ Հայաստանից մեկնում է պարտքը կատարածի զգացողությամբ ու անմոռանալի տպավորություններով:

---