ՄԱՐՏԻ 3-Ի ԴՐՈՒԹՅԱՄԲ ԵՐԵՎԱՆԻ ԲՈՒԺՀԱՍՏԱՏՈՒԹՅՈՒՆՆԵՐՈՒՄ ԳՏՆՎՈՒՄ
ԵՆ ՄԱՐՏԻ 1-Ի ԴԵՊՔԵՐԻ ԺԱՄԱՆԱԿ 40 ՏՈՒԺԱԾՆԵՐ, ԱՅԴ ԹՎՈՒՄ` 17
ԶԻՆԾԱՌԱՅՈՂՆԵՐ
03-03-2008 17:30:00 | Հայաստան | Հասարակություն
ԵՐԵՎԱՆ, 3 ՄԱՐՏԻ, ՆՈՅՅԱՆ ՏԱՊԱՆ: Մարտի 3-ի ժամը 15-ի
դրությամբ Երեւանի բուժհաստատություններում են գտնվում մարտի 1-ի
բախումների ժամանակ 40 տուժածներ, այդ թվում 17 զինծառայողներ: Ըստ
ՀՀ Առողջապահության նախարարության տվյալների, «Սուրբ Գրիգոր
Լուսավորիչ» բժշկական կենտրոնում բուժօգնություն է ստանում 11
տուժած, որից 7-ը` զինծառայող, թիվ 1 հիվանդանոցում` 7 տուժած,
որից 5-ը` զինծառայող, թիվ 2 բուժմիավորումում` 3 տուժած, թիվ 3
հիվանդանոցում` 3 տուժած, որից 1-ը` զինծառայող, 1-ը` պատգամավոր,
«Էրեբունի» ԲԿ-ում` 6 տուժած, «Արմենիա» ԲԿ-ում` 10 տուժած, որից
4-ը` զինծառայող: