ԱՎԱՐՏՎԵՑ ՀՀ ՖՈՒՏԲՈԼԻ ԲԱՐՁՐԱԳՈՒՅՆ ԽՄԲԻ 16-ՐԴ ԱՌԱՋՆՈՒԹՅՈՒՆԸ
12-11-2007 19:35:00 | Հայաստան | Սպորտ
ԵՐԵՎԱՆ, 12 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 10-ին տեղի
ունեցան Հայաստանի ֆուտբոլի բարձրագույն խմբի առաջնության վերջին`
28-րդ, փուլի հանդիպումները, որոնցում գրանցվեցին հետեւյալ
արդյունքները. «Շիրակ» - «Փյունիկ»` 2:0, «Կիլիկիա» - «Բանանց»`
0:6, «Միկա» - «Գանձասար»` 1:0, «Ուլիս» - «Արարատ»` 2:2:
Հայաստանի չեմպիոնի կոչումը 7-րդ անգամ անընդմեջ նվաճեց
«Փյունիկը»` 57 միավոր: Մրցանակային հաջորդ երկու տեղերը զբաղեցրին
«Բանանցը» (52 միավոր) եւ «Միկան» (50 միավոր): Մրցաշարային
աղյուսակի մյուս հորիզոնականներում թիմերը դասավորվեցին հետեւյալ
հաջորդականությամբ. «Արարատ»` 49, «Գանձասար»` 39, «Շիրակ»` 34,
«Ուլիս»` 30, «Կիլիկիա»` 5 միավոր: Մրցակարգի համաձայն բարձրագույն
խմբին հրաժեշտ կտա «Կիլիկիան»:
Առաջնության լավագույն ռմբարկու ճանաչվեց «Արարատի» բրազիլացի
հարձակվող Մարկոսը, որը դարձավ 22 գոլի հեղինակ: Նրանից 7 գնդակ
պակաս է մրցակիցների դարպասն անցկացրել Արսեն Բալաբեկյանը
(«Բանանց»):