2006 Թ.-ԻՆ ՀԱՐԿԱԴԻՐ ԷԼԵԿՏՐՈՆԱՅԻՆ ԱՃՈՒՐԴՈՎ ԻՐԱՑՎԵԼ Է 145,5
ՄԼՆ ԴՐԱՄԻ ԳՈՒՅՔ
25-01-2007 15:34:00 | Հայաստան | Հասարակություն
ԵՐԵՎԱՆ, 25 ՀՈՒՆՎԱՐԻ, ՆՈՅՅԱՆ ՏԱՊԱՆ: ՀՀ արդարադատության
նախարար Դավիթ Հարությունյանը հունվարի 24-ին ներկայացրած
հաշվետվության մեջ կարեւորել է, մասնավորապես, Եվրոպայի խորհրդի
անդամ երկրների արդարադատության նախարարների 27-րդ համաժողովի
անցկացումը Երեւանում, որտեղ քննարկվել են տուժողի շահերի
պաշտպանությանը, կարգավիճակին եւ իրավունքներին վերաբերող հարցեր:
Համաժողովին մասնակցել են Եվրոխորհրդի անդամ եւ դիտորդ 51 երկրների
մոտ 250 ներկայացուցիչներ:
Ըստ հաշվետվության, Դատական ակտերի հարկադիր կատարման
ծառայությունը մարզային բոլոր բաժիններում ներդրել է էլեկտրոնային
փոստի վարման համակարգ: 2006թ.-ի վերջին ամիսների ընթացքում
հարկադիր էլեկտրոնային աճուրդով իրացվել է 145,5 մլն դրամի (մոտ
398 հազար ԱՄՆ դոլար) գույք:
«Դատարանների ենթակառուցվածքի վերականգնում» ծրագրով
2006թ.-ին շահագործման են հանձնվել Երեանի Արաբկիր եւ
Քանաքեռ-Զեյթուն, Կենտրոն եւ Նորք-Մարաշ համայնքների առաջին ատյանի
դատարանների, Արմավիրի մարզի առաջին ատյանի դատարանի Էջմիածին
քաղաքի նստավայրի շենքերը: Ավարտին է հասցվել նաեւ Երեւանի
Շենգավիթ համայնքի առաջին ատյանի դատարանի շենքի կառուցումը: