ՀԱՄԱԵՎՐՈՊԱԿԱՆ ՀԵՌԱԽՈՍԱՄԱՐԱԹՈՆԸ ԱՅՍ ՏԱՐԻ ԿԱՆՑԿԱՑՎԻ ՆՈՅԵՄԲԵՐԻ
16-19-Ը
13-11-2006 14:52:00 | Հայաստան | Հասարակություն
ԵՐԵՎԱՆ, 13 ՆՈՅԵՄԲԵՐԻ, ՆՈՅՅԱՆ ՏԱՊԱՆ: «Հայաստան»
համահայակական հիմնադրամի գործադիր տնօրեն Նաիրա Մելքումյանը
մեկնում է Ֆրանսիա` մասնակցելու համար նոյեմբերի 16-19-ը անցկացվող
եվրոպական ամենամյա հեռախոսամարաթոնին: Ինչպես «ՆՈՅՅԱՆ ՏԱՊԱՆ»-ի
թղթակցին հայտնեցին հիմնադրամի հասարակայնության հետ կապերի
բաժնից, ֆոնեթոնից հետո Ն.Մելքումյանը կմեկնի Լոս Անջելես, ուր
նոյեմբերի 23-ին կանցկացվի «Հեռուստամարաթոն 2006»-ը: Նշվեց, որ
տարեցտարի ավելանում են հեռուստամարաթոնի նախաշեմին ավանդաբար
անցկացվող համաեվրոպական ֆոնեթոնի աշխարհագրությունը եւ
մասնակիցների թիվը: Ի տարբերություն նախորդ տարվա, այս տարի
ֆոնեթոնին առաջին անգամ կմասնակցի նաեւ Բելգիան, ուր վերջերս է
բացվել հիմնադրամի տեղական մարմինը: Այս տարի եվրոպական ֆոնեթոնին
ընդհանուր առմամբ կմասնակցեն 700 կամավորականներ, որոնք
կզանգահարեն ոչ միայն ֆրանսահայությանը, այլեւ Գերմանիայի,
Շվեյցարիայի, Հոլանդիայի, Բելգիայի հայ համայնքների
ներկայացուցիչներին:
Նշվեց նաեւ, որ հիմնադրամը շարունակում է աշխատանքներ
իրականացնել եվրոպական ֆոնեթոնին մասնակից երկրների ցանկն
ընդլայլելու ուղղությամբ. 2007թ.-ի ֆոնեթոնում նախատեսվում է
ընդգրկել նաեւ Իտալիան:
Հայաստանում եւ Արցախում ֆոնեթոնը կանցկացվի նոյեմբերի
15-17-ը: