Գրոնոն խորհրդակցություններ է անցկացրել Հայաստանի բարձրաստիճան պաշտոնյաների հետ
15-09-2026 17:55 Հայաստան Քաղաքականություն
azatutyun.am Եվրամիության հատուկ ներկայացուցիչ Մագդալենա Գրոնոն հայտնել է, որ որ Հայաստանում խորհրդակցություններ է անցկացրել Հայաստանի բարձրաստիճան պաշտոնյաների և փորձագիտական համայնքի հետ։
«Շնորհակալ եմ Հայաստանում հերթական պարբերական խորհրդակցությունների համար՝ փոխվարչապետ Մհեր Գրիգորյանի, Անվտանգության խորհրդի քարտուղար Արմեն Գրիգորյանի, ԱԳ նախարար Արարատ Միրզոյանի տեղակալ Վահան Կոստանյանի և փորձագիտական համայնքի հետ», - X-ում գրել է Գրոնոն՝ առանց այլ մանրամասների։
Բաքվից Երևան ժամանած Մագդալենա Գրոնոն երեկ փոխարտգործնախարար Վահան Կոստանյանի ուղեկցությամբ Մատենադարան էր այցելել:
Ադրբեջանում ունեցած հանդիպումներն ամփոփելիս՝ Գրոնոն, ով մյուս օտարերկրացի դիվանագետների հետ եղել էր Գանձասարում ու Դադիվանքում, X-ում գրել էր, թե կողմերը դեռևս «խորապես տարբերվող տեսակետներ ու նարատիվներ ունեն որոշ վայրերի ծագման վերաբերյալ»:
Այս մեկնաբանությունը վրդովմունք էր առաջացրել Հայաստանում, մեկ տասնյակից ավելի հասարակական կազմակերպություններ պնդել էին, թե Գրոնոն «լեգիտիմացրել է հայերի էթնիկ զտումը, ինչպես նաև Լեռնային Ղարաբաղում հայկական մշակությային ժառանգության ոչնչացումը»:
Ավելի ուշ ԵՄ հատուկ ներկայացուցիչը Երևանում հայտարարեց, թե «չի վիճարկում Ղարաբաղի՝ նախկինում հակամարտությունից տուժած շրջաններում անցյալում հայկական ներկայությունն ու հարուստ հետքը»:
ՀԱՅԵՐԵՆ
