Մինչև պատերազմի ավարտը Ուկրաինայի համար Patriot-ի որսացող հրթիռները կարտադրվեն Գերմանիայում
11-07-2026 15:23 Ի՞նչ է գրում մամուլը
armtimes.com Patriot-ի համար որսացող հրթիռները, ամենայն հավանականությամբ, կարտադրվեն Գերմանիայում կամ եվրոպական մեկ այլ երկրում, հայտնում է Reuters-ը՝ վկայակոչելով երկու աղբյուրի: Պատերազմի ավարտից հետո արտադրությունը կարող է տեղափոխվել Ուկրաինա։ Փորձագետների կարծիքով՝ Raytheon կամ PAC-3 (Lockheed) ընկերության Patriot PAC-2 որսիչների արտադրությունը կազմակերպելու համար ժամանակ կպահանջվի։
Ըստ հաշվարկի՝ մեկ բալիստիկ հրթիռը որսալու համար պահանջվում է երեք Patriot։ Փորձագետները դրանց տարեկան պահանջարկը գնահատում են մոտ 2400 միավոր։
Հունիսին The New York Times-ը գրել էր, որ Ուկրաինան չունի ամերիկյան Patriot զենիթային հրթիռներ ՀՕՊ համակարգերի համար։ Ուկրաինայի նախագահ Վոլոդիմիր Զելենսկին խնդրել է ԱՄՆ-ին Patriot հրթիռների արտադրության համար լիցենզիա տրամադրել:
Հիշեցնենք, որ Անկարայում ՆԱՏՕ-ի գագաթնաժողովում ԱՄՆ նախագահ Դոնալդ Թրամփն Ուկրաինայի առաջնորդի հետ հանդիպման ժամանակ հայտարարել է, որ Վաշինգտոնը կարող է Կիևին տրամադրել այդ իրավունքը:
ՀԱՅԵՐԵՆ
