ՌՈՒՍԱՍՏԱՆՅԱՆ «ՎԻՄՊԵԼԿՈՄ»-Ը ԽԱԽՏՈՒՄ Է ՀԱՅԱՍՏԱՆՅԱՆ «ԲԻ
ԼԱՅՆ»-Ի ԻՐԱՎՈՒՆՔՆԵՐԸ
22-09-2008 19:00:00 | Հայաստան | Տնտեսություն
ԵՐԵՎԱՆ, 22 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: «ԱրմենՏել» ընկերության
սեփեկանատեր ռուսաստանյան «Վիմպելկոմ»-ը խախտում է հայաստանյան «Բի
լայն» ընկերության մտավոր սեվականության իրավունքները: Այս մասին
սեպտեմբերի 22-ի ասուլիոսում հայտատարեցին «Բի Լայն» ընկերության
նախագահ Հայկ Խանջյանը եւ փաստաբան Հայկ Հարությունյանը:
Ըստ Հ.Խանջյանի, 1996թ.-ից «Բի Լայն» ֆիրմային անվանման տակ
գործող եւ համանուն ապրանքային նշանը գրանցած ընկերության
խնդիրները սկսվեցին 2006թ.-ին, երբ համահունչ «Beeline»
ապրանաքանշանի տակ գործող «Վիմպելկոմ»-ը, գնելով «ԱրմենՏել»-ը,
մուտք գործեց Հայաստան եւ սկսեց ապօրինի օգտագործել երկրում
չգրանցված ապրանքային նշանը:
Ըստ ընկերության ներկայացուցիչների, դատարանում «Բի Լայն»-ի
հայցի քննությունը երկար ժամանակ է ձգձգվում է եւ մինչ օրս
ավարտված չէ, սակայն «Վիմպելկոմի» հայցերը արագ կերպով քննվել են
եւ այդ ընկերությանը թույլատրվել է գրանցել իր ապրանքային նշանը:
«Արդյունքում, ոգեշնչվելով իրենց անպատժելիությամբ եւ արտոնյալ
դիրքով, «Վիմպելկոմ»-ը եւ «ԱրմենՏել»-ը սկսեցին ոչ միայն
օգտագործել «Բիլայն» ապրանքային նշանը, այլ նաեւ ապօրինի կոչել
«ԱրմենՏել»-ը «Բիլայն»,- հայտարաեց Հ.Խանջյանը: Այսպիսով, ըստ նրա,
ոչ միայն խախտվում է ֆիրմային անվանումների մասին ՀՀ օրենքը, այլեւ
շփոթություն է առաջանում սպառողների շրջանում, բացասաբար է ազդում
«Բի Լայն» ընկերության ընկերության գործունեության վրա:
Ըստ Հ.Հարությունյանի, «Բի Լայն»-ը երեք դիմում է ներկայացրել
Մարդու իրավունքների եվրոպական դատարան եւ պատրաստվում է մինչեւ
վերջ պայքարել իր իրավունքների համար: Նրա խոսքերով, «Վիմպելկոմ»-ի
օգտին կայացված դատական վճռի հիմքում ընկած այն
պատճառաբանությունը, թե երկրու ընկերությունների ապրանքային
նշանները շփոթելու աստիճան նման չեն, չի համապատասխանում
իրականությանը: